Fast as Race
Khiefblue
Part 7
sorry sa sobrang tagal ng part na ito hehehe..... sorry talaga. naging busy lang po.
“Ate sorry kay mhikz ko naman lang sinabi. Saka mapagkakatiwalaan naman siya.” Hingi ng tawad ni Grace habang nagtatago sa aking likuran.
Hindi pa rin nagsasalita ang ate ni Grace at nakatingin lamang ito sa aman at ang kanyang mata ay naniningkit sa galit. Ano mang oras ay bigla na lang tong susugod na parang isang lobo sa kanyang biktima. Inangat niya ang dalawang kamao niya at napapikit na lang si Grace habang nakatago pa rin sa aking likuran.
“Olivia wag kang mag-alala di ko sasabihin kay kuya kung gusto mo tulungan pa kita.” Tangi ko na lang nasabi kay Olivia.
“oo ate tulungan ka na lang ni Mhikz pati ako tutulong.” Nakakapit parin ng mahigpit sa aking likuran si Grace.
Bigla na lang ibinaba ni Olivia ang kanyang kamay at unti unting lumapit sa amin. Nang nasa haraman ko na si Olivia na nakatayo bigla na lang lumuhod sa aking harapan at hinawakan ang aking kamay.
“totoo bay an?” nakatitig sa aking mata na parang nagmamakaawa. Totoo ba tong nakikita ko? Tanong ko sa sarili ko. Isa magandang babae na kagalang galang at renerespeto ng lahat ng tao parang masasabi mong lahat ng katangian ng isang prensesa ay nasa kanya na. ay isa palang baliw sa aking kuyang may amesia.
“oo ate tutulungan tayo ni mhiks.” Sabat ni Grace, isang malakas na batok ang dumapo kay Grace mula sa kanyang Ate.
“array” sigaw ni Grace. Napakamot ito sa kanyang ulo sa sakit.
“Ate naman ano naman ang kasalanan ko sayo.” Reklamo niya.
“di ba sabi ko sayo sekreto lang yun pero ano ang fginawa mo?” kwenento mo kay mhikz.
“ate naman, tingnan mo at least may tutulong na sa iyo para mapalapit kay kuya Marcus.
Lokohan tuksuhan ang nangyari sa loob ng aking kwarto. Nasa lagay kaming tinutukso si Olivia kay Kuya Marcus ng mapansin naming may nakatayo sa may pinto ng aking kwarto. Si Kuya Marcus nakatitig lang sa amin na nakangiti.
“Marcus kanina ka pa ba dyan?” tanong ni Olivia na nanigas na parang estatwa.
“Medyo.” Nakangising sagot ni Kuya Marcus.
“kuya ano narinig mo?” tanong ko sa kanya.
Wala naman akong narinig nakatakip naman ang tenga ko parang ganito.” Tinakpan niya ang kanyang mga mata at hindi ang tenga niya. Sa nakita ni Olivia kitang kita kong pinagpawisan siya kahit na malamig dahil naka aircon naman ang kuwarto ko.
“Mag ayos na kayo at labas tayong apat sabi ni Mommy.” Linapitan niya si Olivia at hinaplos ang buhok nito.
Pagkaalis ni Kuya sa kuwarto ko bigla na lang hinimatay si Olivia. Napahiga siya sa sahig, imbes na magalala ako natawa na lang ako sa nangyari. Habang si Grace tinungo niya agad ang kanyang nakahandusay na ate sa sahig at pinapaypayan.gamit ang kanyang kamay. Hay mag-ate nga naman napakawierdo. Ngunit parang may kakaiba kay kuya kung nakalimot siya bakit ganun siya umasta parang kilala na kami.
Alas onse ng umaga kami nakarating sa Mall of Asia. Apat lamang kami si Kuya, Olivia, Grace at ako. gamit ang kotse kong Honda Civic. Ipinarada ko ang kotse sa park at sabay sabay na kami tinungo ang mall. Ang magkapatid na babae naman ay agad nilang tinungo ang mga boutique. Samantala kami ni kuya ay sumusunod sunod lamang sa dalawa na parang kami ang mga boyfriend nila.
Wala pa ring imik si kuya nagsasalita lamang siya pagtinatanong siya ni Olivia o kaya sino man sa amin. Minsan kung magbibitaw kami ni Grace ng nakakatawang linya nakikitawa rin siya.
Mag aalas dose na ng nagyaya na si Grace na kumain at nagugutom na raw siya. Hila hila ako ni Grace patungo ng isa sa mga sikat na restaurant sa MOA habang si Olivia ay nage-enjoy na nakaangkla kay kuya Marcus.
Naghanap ang mag-ate ng mauupuan namin samantala kami ang omorder ng makakain namin. kilala ko na ang mag-ate alam ko na ang gusto nilang kainin. Habang nakapila kami sa counter kinausap ko si kuya Marcus.
“Buti sumama ka kuya namiss kita kasama sa mga ganito.” Sambit ko sa kanya.
“Ako rin bunso miss ko rin” anya.
natulala at napaisip kung naaalala nya na ang lahat. Bumalik na ba ang mga alaala nya? Kung naaalala nya na ang lahat bakit hindi niya sabihin sa amin kung naaalala na niya. Parang may tinatago pa siya sa amin.
“hoy andito na ang inorder natin” si kuya.
Parating kami sa lamesa kung asan ang mag ate habang bitbit namin ang mga inorder namin nang may tumili.
“Ay si Justin Cruz” sigaw ng isang babae na nasa likuran namin (Justin Cruz isang sikat na artista dito sa kwento ko hindi ako gumamit ng pangalan ng artista at baka makasuhan ako hehe.)
“Naku andyan na ang kaibigan mo Mhikz” si Grace habang nanlilisik ang mga mata nya na nakatitig sa Lalakeng nagdulot ng eskandalo.
“Kanina ko pa kayo hinahanap” si Justin papalapit sa aming mesa habang pinagtitilian.
“Hindi ba pwedeng i-silent mode ang mga fans mo jassy?” sarkastikong salubong ni Olivia
“Babes wala tayong magagawa talagang ganyan ang sikat.” Sagot ni Justin kay Olivia.
“Wag mo nga akong matawag na Babes at baka madamay pa ako sa skandalo mo.” Si Olivia
“Tama na muna iya kain muna tayo at gutom na ako” awat ko sa kanila.
“Marcus musta na pare? Nabalitaan kong nakauwi ka na kaya pinuntahan kita agad sa bahay kaso wala ka sa bahay sabi ni tita dito ko kayo makikita kaya pinuntahan ko na kayo dito.” Bati niya kay Kuya.
Halatang tulala pa rin si kuya habang nakatingin siya kay Justin. Siguro iniisip kung sino ang nasa harapan namin.
“Pasensya na Justin may amesia si kuya kaya di pa siya masyadong nakakaalala” bulong ko kay Justin.
“Pwede ba Justin patahimikin mo muna ang mga babae mo.” Reklamo ni Olivia kay Justin.
“Sige alis muna ako at nang makakain ang mahal na prensesa, text nyo na lang ako pag saan ko kayo pupuntahan pagkatapos kumain ng barbarong prensesa.” Pangasar ni Justin kay Olivia at umalis na.
“Anong tinawag niya sa akin? Barbarong prensesa? Sino siyang akala niya? Kala mo kung kagwapuhan.” Paghihimutok ng butsi ni Olivia.
Sinulyapan ko si Kuya at lihim siyang tumatawa. Napangiti na lang ako at kumain.
Matapos naming kumain agad kong tinext si Justin kung asan na siya. Makalipas ng ilang minuto nagreply siya at sabi nya nasa ticket both siya ng sinehan. Dahil sa malapit lang naman kami sa Ticket both pinuntahan na lang namin siya.
Pagkarating namin sa kinaroroonan ni Justin. Kita namin kung paano siya napapalibutan ng mga tao at halos mga andun ay mga babae at beki. Pansin din namin na may kasama siyang isang lalake na mukhang college student. Namukhaan ko ito si Kim ang pinakilala niya sa aking kaibigan niya na kasama niya sa condong tinutuluyan niya.
“Sino yang yang totoy na kasama mo?” Tanong ng mag-ate kay Justin.
“Si Kim kaibigan ko kilala na ni Mhikz si Kim. Kim si Grace na Hitler at si Olivia na Barbarong Prensesa.” Pangaasar na pakilala ni Justin sa mag-ate.
“Gago!” malutong na bitaw ni Olivia sabay batok kay Justin.
“array ko po!, kitam kung gaanong kabarbaro siya” dagdag pa ni Justin habang hinihimas ang ulo.
“Ay Sorry!” harap sa amin ni Olivia at nagpa umanhin.
“nagiging basto ako dahil sayo” harap ulit niya kay Justin at kurot niya dito.
“Tara na nga bago magkaworld war dito pasok na tayo.” Anyaya ko sa kanila.
Comedy ang pinanood namin kaya sa loob ng sinehan ay nagtatawanan kami. Hindi maiwasan na pinagtitinginan kami ng mga tao dahil sa kasama namin si Justin, kaya kung maaari ay iniiwasan naming ang mataong lugar pagkasama namin si Justin.
Alas 8 na ng gabi kami nakauwi ng bahay ni kuya hinatid muna namin ang mag-ate at deretso kami uwi ng bahay. Habang nasa loob kami ng kotse pinaguusapan naming magkuya mga nangyari maghapon ng.
“Mhikz sorry kung ano man ang nagging kasalanan ko sayo” humarap sa akin si kuya at hinawakan niya ang aking balika habang ako ay nagdadrive.
“Kuya anong kasalanan naman yun?” tanong kong sa kanya.
“Basta pakiramdam ko may kasalanan ako sayo kaso hindi ko lang talaga matandaan.” Napatingin siya sa malayo.
“kung ano man yun kuya pinatawad na kita, at kung tutuusin ako ang dapat mag sorry sayo.” Ani ko.
Pagkarating namin sa bahay sinalubong kami ni Mommy.
“Kamusta ang nagkagwapuhan kong anak?” nakangiti ito habang inaakap kami.
“Mabuti naman mom” si kuya habang humalik siya sa pisngi ni Mommy.
Kita ko na ang pagka at home ni kuya wala na ang ilang na nararamdaman niya. Siguro komportable na siya kahit wala pa siyang naaalala.
……………………….
Lumipas ang araw namuhay kami ng tahimik. Habang si kuya ay laging chenecheck-up ng doctor. Ngunit lagi niyang sinasabing wala pa rin siyang naaalala. Normal din ang pakikitungo niya sa amin kahin may amesia siya pamilya pa rin ang pakikitungo niya sa amin. May mga araw na umaalis ito para dalawin ang mga taong kumopkup sa kanya.
Araw ng huwebes nakatanggap ako ng message kay Ran na may humahamon sa akin. Si Alex na may 2005 Mazda MAZDASPEED RX-8. isa siya sa mga kinakatakutan ng mga drag racer dahil sa galing ng kanyang pagpapatakbo. Reneplayan ko si Ran na tinatanggap ko ang hamon ni Alex at hindi ako papatalo gamit ang aking Toyota Trueno.
Nasa may garden ako ng may humawak sa aking balikat at tinawag ang aking pangalan. Gulat naman ako kung sino iyon
“Mhikz pwede ka bang makausap?” mula sa likod isang lalake….
